22ª Xª Galega Sur 7A9CAFyD
7A9CAFyD Vs Garciaraujo.com
5-6
#lendiñafutsal: O 7A9CAFyD sufre unha dura derrota e complicase o final de tempada.
O 7A9CAFyD volveu ás andadas e tras un inicio de partido esperanzador déixase remontar e cae ante o Garciaraujo.com.
O partido comezou cun gol dos locais aos 11 segundos tralo saque de centro. Tralo gol os locais dispuxeron de varias ocasións claras para ampliar a súa renda, pero sería no minuto 8 cando nunha das poucas aproximacións, das que gozaron, os visitantes lograban o empate na saída dun saque de banda. Tan só catro minutos máis tarde os locais volvían adiantarse no marcador nunha boa xogada colectiva. Pero unha vez máis un novo erro, nun saque de banda rival, propiciaba o empate a falta de cinco minutos para o descanso. Cando parecía que se chegaría ao descanso con empate no marcador e a falta de 23 segundos para leste o 7A9CAFyD conseguía adiantarse de novo.
A segunda metade comezou cos locais moi metidos e aos 3 minutos Berto ampliaba a distancia a dous goles cunha bonita vaselina ante o porteiro visitante. Pero ese gol non asentou o equipo e tan só un minuto despois nun novo erro defensivo os visitantes recortaban distancias. Co 4 a 3 no marcador o 7A9CAFyD levaba o control do partido pero non aproveitaba as súas ocasións e non era capaz de pechar o encontro. E como di unha máxima do deporte, o que perdoa págao, e no minuto 30 os visitantes empataban o encontro nun erro na transición dos locais. No minuto 35 chegou o mazazo, 4 a 5, pero o equipo repúxose, sacou porteiro xogador e aos 30 segundos devolvía o empate ao marcador. De aí ao final os locais continuaron xogando de 5, pero un novo erro a falta de 2 minutos daba a vitoria ao Garciaraujo.com, que se aproveito da pasividade defensiva dos locais e a falta de acerto de cara a portería.