9ª Xornada Alevin 7A9CAFyD B
7A9CAFyD B Vs ADFS Bueu B
1-2
#lendiñafutsal: Partido correspondente a 9ª xornada da Liga Alevín, adiantado ó Xoves 13 de Febreiro no pavillón do Sequelo por mor da saturación de partidos na casa do 7A9CAFyD esta xornada, enfrontáronse o 7A9CAFyD B e o ADFS Bueu B.
O partido comezou cun leve dominio dos visitantes, que na ida habían gañado por goleada, ala no seu campo. Dominaban e dábanlle traballo o porteiro local, que respostaba con calidade nas súas intervencións. O equipo local, que situaba unha defensa en media pista comezou a saír combinando con boas xogadas colectivas e creou perigo na portería do Bueu. Aínda que gozaron de boas ocasións os dous conxuntos non conseguiron levar o gato a auga.
Na segunda metade o Bueu comezou dominando e pese a que este período foi moi parello ó 7A9CAFyD B, pagou cara a falta de definición de cara o gol, e tan so un gol de Rafa poría en apuros o final a un Bueu B que se levou os 3 puntos cun 1 a 2 que marca a enorme melloría dos alevíns do 7A9CAFyD B, pero que os deixa sen o premio dos puntos. Bo partido dos dous conxuntos.