Crónica 14ª Xornada Galega Sur
7A9CAFyD Vs A Quinta A Carballeira de Tui
#lendiñafutsal: O 7A9CAFyD perde 1-3 en casa contra o Quinta Carballeira de Tui.
O noso equipo saíu á pista tendo o control do xogo e dominando os primeiros minutos do encontro, as ocasións para os locais sucedíanse pero unha vez máis a falta de acerto cara a porta foi determinante no devir do partido. Corría o minuto 10 cando nunha desafortunada xogada o equipo de Tui poñíase por diante no marcador, este gol cambiou totalmente o guión do partido, o 7A9CAFyD perdeu o dominio do balón, quedando a expensas de contraatáques dos visitantes, como consecuencia nos minutos 14 e 15 da primeira parte o Quinta Carballeira de Tui golpeaba a porta defendida por Alex, poñendo o marcador en 0-3 antes de ir ao descanso.
Na segunda metade o 7A9CAFyD saíu con máis corazón que cabeza e poñendo todo o seu empeño para darlle a volta ao marcador, pero en ocasións a defensa, os paus ou a gran actuación do porteiro visitante evitaron os constantes ataques do equipo local. Ata o minuto 37 de partido o 7A9CAFyD a través dunha gran xogada de porteiro xogador e con remate final de Farra non puido poñer o que seria ao cabo o único gol dos nosos.
Dura derrota antes do parón liguero que serve como reflexión para comezar o novo ano con forza e ganas de loitar por coarse na parte alta da clasificación.